الى كل من يعرف حنان الام

سؤال
1-هل يوجد من يعوض حنان الام
2-هل من يقول فقدان الام يعوضه حنان الزوجة صحيح هاذة الشئ
3-انا قلت
شمس البيت لو غابت

احس يطفة الكمر وتغيب كل نجمة
ويغيب الفرح والسلوة والرحمة
فراك الام يهد الحيل
واحس الكلب يصرخ حيل
اروحن للحد وياج يا يمة
شلي بلدار يايمة عكب عيناج
ابحك در الرضعتة اخذيني يمة وياج
نهار وصارت الدنية علي ضلمة
وحشة الدار مالي صبر علشدة
يايمة فراغج منهو اليسدة
ردت كبل الرحيل اسمع ولو جلمة
شتوصيني يايمة
يايمة ولو راسي ابتلة بشيبة
احس جني طفل مااحمل الغيبة
محتاج الحنانج دوم والطيبة
بعدهة الروح فختاية
وعليج من المهد يا يمة متعلمة
لا تمشين يا يمة
ليل الحزن مايطلع بعد صبحة
من ضلت وراج التربة والسبحة
انة بكلبي الحزن يمة شتل رمحة
وبعد هيهات لشفافي تمر بسمة
تانيني اروح وياج يا يمة
يايمة بغيابج طشت اللمة
لاضلت شفاكة ولا بكت رحمة
والخوان كل واحد حدر نجمة
الاخو يطعن بخوه وينهش بلحمة
وردت كبلج يصير السفر يايمة
وردت كبلج يصير السفر يايمة



هذة اللي كلتة اني
و انتو شتكولون

مع تحياتي امير الضلام